بنااااااااااااات.......اخر زمن اخخخخخ بس

من خبرتي ودرايتي القليله بأمور الحياه...
وبعد ما قرأت موضوع"دعوة عامه" للدلع جود والحلا موجود"....
فقررت انا"اطلـــــ من راسي ـــــــع" طرح الموضوع التالي:...

احنا شباب ما بنرفض دعوة كريم سخي...
وبصراحه احنا شباب هالاكم يوم مخنوقين وبنحب نروح نشم هوى
ونرفه عن حالنا شوي....
يعني بنخلص شوي من طلبات الدار ومن هم الشغل او الدراسه..
وبنروح يا اما عالمول يا اما عأي منطقه بتكون فيها شوية ناس بالليل
واشي اكيد انك لما تدب اجرك بواحد من هالمحلات الا ما تشوف بنت
امورة...(بنطلون جينز...بلوزة بالوان الصيف....وجزمه لفوق الركبه)
وطبعا هاد غير البودره والحومره والاكسسوارات بجميع انواعها..الخ
فبقوم الواحد بطلع عليها نظره او تنتين او تلاته...ليلفت انتباهها....

ومن الطرف الاخر...البنت معجقه حالها وحابه تشوف شو رأي الناس
"بالميمعه" الي عاملتها بحالها...فبتبدى تاخد تقييم... وكله حسب!!!!!!
يعني......
واحد بناولها"شو يا حلو" وطبعا هاي الكلمه راحت موضتها من زمان.
وتاني بناولها"يا أرض احرسي ما عليكي" وهاي الجمله بلدي كتير.
وتالت "ولك من أول ما شفتك حسيت قلبي ببطني" مبين الشب جيعان.
ورابع"ينعنن عمري قمر ونازل من السمى"مبين الشب بيئه كتير
وخامس"......." وسادس"...." .....الخ

فيتم اختيار صاحب أجمل تعليق وصاحب اجمل لبسه وصاحب اجمل ابتسامه
وصاحب اجمل عيون.... الخ كل بنت في الها مواصفات محدده للشب الي بدها اياه
والكل بيعرف المقوله الي بتقول
"نظره ... فابتسامه ...فموعد.... فلقاء"
بس انا بدي اعدله...
"نظره ....فابتسامه ....فرقم ....فتلفون .... فموعد ....فلقاء ... فخراب بيوت"


المهم..
وصلنا لانه الشب بحاول يعطي الرقم للبنت فبعد طلوع الروح بتحن عليه وبتاخده..
عاد هي بتكون بدها الرقم بس بدها تورجيه انها تقيله وما بترد من اول مره
بترن عليه برجعلها... وببلشوا يحكوا:
الشب:من أول ما شفتك حسيت بشي غريب اتجاهك(هي الي طلع معه)
البنت:وانا كمان بس شفتك تلخبطت وبطلت اعرف احكي مع حدا(ابتسامه خضرا)
الشب:مش عارف ليش القدر جمعنا.... بس شي غريب(كان يحك براسه عشان تطلع كلمه)
البنت:حاسه انه انت الي كنت بدور عليه من زمان...(عرفتو شو قصدها)
(شب... حلو...مرتب... مرستق...كل واحد "سم" براسه عليها وقية جل"سبايسي".....)
الشب:وانا حسيت هيك كمان انا مش مصدق لهلئ...(قصده معروف)
(بنت... حلوة....اموره....جذابه....مرتبه بلبسها...... عيون ملونه"طبعا عدسات"....الخ)
ويتبع ذلك مكالمات تعارف ..... الخ
طبعا واشي اكيد ما في شب الا وسمع هاي الجمل من البنات
1-"انت اول شب بتعرف عليه...وفي كتير حاولوا قبلك ...بس مابعرف ليش انت"
(ماشاء الله تعدوش مغامرات وقصص حب فاشله...هو بس عشان تكون صفحتها
بيضه قدامه...وما تحرق كل اوراقها من الاول)
2-"انا حكيت لماما كل شي عنك ...وبحكيلها كل شي بصير بينا"
(عاد لو امها عرفت الا تقطع شعرها وتعمل منه حبال غسيل)
3-"أنا اكتر وحده مميزة بين خواتي بالبيت....وبابا بحبني كتير)
(عاد برجع ابوها قرفان الدار ومرته... وما بكون ناقصه حدا
يعني لو يصحله يجوز بناته من بكره ما بقصر)
4-(انا وماما متل الصا حبات بنحكي لبعض كل شي وما بخبي عليها اشي)
........الخ
وغيرها من الجمل الي مش خاطره عبالي
وبتصير البنت تتفشخر بالشب قدام صاحباتها...
"شفتو ما احلى عيونو"
"ما بقعد معه الا بفرط من الضحك...دمه خفيف كتير..."
"معه سياره Bmw اخر موديل...يااااااااااااي سريع كتير بسوق...بخاف عليه كتير"
"بطلع كل 4شهور عاروبا بمشي شغل لابوه......"
البنات ادرى...بس هاد تقريبا الي بعرفه!!

يعني بكون الشب بالنسبه للبنت متل قصة شعرها...او لبستها الجديده...او هديه اجتها بعيد ميلادها
ولما يجي الشب يمسك ايدها بمناسبه او بدون مناسبه,,,وبتكون نيته صافيه بترده بأول مره
ومن تاني مره بتسمحله 5 ثواني بعدين بتسمحله...
"لااااااااااا انتا أول شب بمسك ايدي.... مش ممكن ..... اهئ اهئ اهئ اهئ....)
ملاحظه:الشب ما بعمل أي شي الا لما يشوف انه في قبول من البنت...اشي اكيد



وتبدأ سلسلة من حلقات الدراما (1-2-3-4-..............................99)

والله يعين الشباب كلهم....يعني احنا التانين الله يهدينا ما بنتعلم الا ما بعد مية فلم
افهموها من قصيرها من اخوكــــــــــم:



"اطلـــــــــــــــ من راســـــــي ــــــــــــــع"




ملاحظه:انا ما بعمم بس بحكي على فئه معينه من البنات والا ما يكون حدا من الشباب لاقى هيك
بنات"
وكمان ملاحظه:الشباب الهم حركاتهم واساليبهم فش حدا قليل